شروق الشمس
Admin
عدد المساهمات : 278
نقاط : 825
تاريخ التسجيل : 13/02/2015
العمر : 56
 |  موضوع: أعملى الدنش بطريقة سهلة فى منزلك  الأحد 31 مايو 2015, 8:12 am | |
| أعملى الدنش بطريقة سهلة فى منزلكأعملى الدنش بطريقة سهلة فى منزلك مقادير الدنش :-
--------------
2 1/2 كوب دقيق
1/2 كوب لبن دافى
1/4 كوب مية دافيه
2 1/2 م/ص خميرة
1 بيض
1/4 كوب سكر
1/2 كوب زبدة مثلجة قطع
 الطريقة:
--------
نحط البيض مع الدقيق والزبدة فى العجانة والبيض
ونحط الخميرة فى اللبن الدافىء والمية ونضيفهم على الخليط
ونضربهم كلهم فى العجانة لحد ما تتماسك وتصبح قطعة واحدة ونسيبها تتخمر شوية وبعدين نحطها فى الثلاجة علشان تجمد لانها بتكون عجينة طرية
وبعدين ناخدها ونفردها ونبتدى نشكلها كالتالى
1- نقطعها مربعات متساوية ونشق أطرافها هيكون عندنا حوالى 4 مثلثات ونقفل من كل مثلث عندنا حرف لجوه
2- نعمل مربع ونقفله زى السمبوسك الناحيتين قدام بعض لتكون شبه المثلث
3-نعمل مربع ونقطع فى نصفه علامتين على شكل ضلعين مثلث ونطبق الحرف من الخارج للداخل
4- نفردها مستطيلة كبيرة ونقطعها من الجنب بالقطاعة تحت بعض بين كل واحدة والتانية 1 سم تقريبا
5- نعمل مربع ونقفل كل ناحيتين قدام بعض لحد ما نحصل على شبة الظرف المقفول
6- ممكن نعمل مربع ونقفل ناحيتن قدام بعض بس ونسيب الناحيتين التانيين
نسيبهم يخمروا مرة تانية قبل ما نحطها فى الفرن
ندهنهم بالبيض قبل ما ندخلهم الفرن على درجة حرارة 200 ولمدة 15 دقيقة
لعمل الكاسترد :
---------------
نضرب صفار البيض مع فانيليا والسكر وبعدين نحط حتة زبدة وشوية لبن صغيرين ونضربهم كويس أوى وبعدين نضيف النشا ونقلب جامد وبسرعة وبعدين نضيفها على اللبن ونحطهم على النار ولما تتخن نحط الحلة فى حمام مائى ونسيبها تبرد ونحشى بيها الكاسترد مع الفاكهة
لتلميع الوجه بعد ما يستوى الدنش :
نجيب مربة مشمش ونحطها مه شوية ميه على النار علشان تكون سايلة وندهن بيها كل الدنش اللى بيطلع من الفرن
وألف هنا وشفا | |
|
