أزاى تعرفى ان العجينة خمرت ؟

العجينة، الفرن، خمرت، الجلوتين

معظم الستات بتحب المعجنات ، لكن فى ستات ما بتعرفش أزاى تعرف ان العجينة خمرت و لا لسه؟

أحسن طريقة هى ان نغرس صباعنا حوالى 2سم العجينة ونراقب الهبوط اللى عمله صباعنا فى العجينة ونحكم – كالاتى:

1. اذا مكان صباعنا رجع لفوق تانى بسرعة يبقى العجينة لسة ما خمرتش كفاية

2. اذا مكان صباعنا بدأ يرجع ببطء اى ما كان عليه يبقى العجينة جاهزة وحتعلى فى الفرن جدا

3. اذا مكان صباعنا بدأ يرجع ببطء وسد مكان الهبوط جزئيا وتوقف يبقى العجينة جاهزة وحتعلى فى الفرن

4. اذا مكان الهبوط فضل موجود ومارجعش يبقى العجينة اتخمرت زيادة عن اللازم وكدة مش حتعلى فى الفرن

أفضل حالة تدينا اكبر ارتفاع فى الفرن هى الحالة 2 – وبرضه الحالة 3 كويسة لو عايزين ارتفاع معقول ومش مبالغ فيه – الاختيار لينا

الاختبار دة محتاج تمرين وخبرة – ومع الوقت حنقدر نحكم احسن – والافضل تكرار الاختبار كذا مرة اثناء تخمير العجينة عشان نقدر نعرف امتى بالظبط حتكون فى حالة مثالية للفرن

لو خمرت مننا اكتر من اللازم (الحالة 4) يبقى العجينة استهلكت الجلوتين وكدة حتبقى ضعيفة فى الفرن ومش حتعلى -فى الحالة دى ممكن نعجنها تانى شوية عشان نكون شوية جلوتين تانى

أنا نقلت لكم الموضوع ده عشان تستفيدوا ، ياريت تقولوا أستفدتوا و لا أيه؟